पुणे : १४० वर्षाची परंपरा असलेल्या सुप्रसिद्ध रांका ज्वेलर्सच्या बाराव्या सुवर्ण दालनाचा नुकताच कोंढवा येथे शुभारंभ झाला. पाच हजार चौरस फुटांच्या या प्रशस्त सुवर्णदालनाचे उद्घाटन रांका परिवारातील आजीपासून ते नातीपर्यंतच्या महिला, मुली या सर्वांच्या हस्ते करण्यात आले. या वेळी रांका परिवाराला शुभेच्छा देण्यासाठी सामाजिक, राजकीय तसेच अन्य क्षेत्रातील अनेक मान्यवर उपस्थित होते.
जगातील सर्वात मोठ्या स्वारोस्की स्टडेड लेसर बांगड्या हे या दालनाचे प्रमुख आकर्षण ठरले आहे. तब्बल १२ इंच म्हणजे एक फूट आकाराच्या सहा इंच व्यासाच्या या भल्या मोठ्या बांगड्यांची जोडी २२ कॅरेट सोन्यामध्ये घडविण्यात आली असून, त्यांचे वजन २२०२ ग्रॅम आहे. या बांगड्या घडविण्यासाठी तब्बल ७५ दिवस लागले असून, याची किंमत सुमारे ७७ लाख रूपये इतकी आहे. या जगावेगळ्या बांगड्या पाहण्यासाठी ग्राहक आवर्जून या दालनाला भेट देत आहेत.
या नवीन दालनाच्या शुभारंभानिमित्त ग्राहकांना सोन्याच्या दागिन्यांच्या खरेदीवर, तितक्याच वजनाची चांदी भेट व सोन्याच्या दागिन्यांची मजूरी २११ रुपये प्रति ग्रॅमपासून पुढे अशा खास सवलत योजना उपलब्ध करून देण्यात आल्या असून, सहा जूनपर्यंत ग्राहकांना याचा लाभ घेता येणार आहे. पारंपरिक दागिन्यांव्यतिरिक्त लाईटवेट ज्वेलरी, टर्कीश ज्वेलरी, टेम्पल ज्वेलरी, पूजेचे सामान, देवी देवतांच्या मूर्ती व असंख्य गिफ्ट आर्टिकल्स येथे उपलब्ध असणार आहे;तसेच एक ग्रॅम सोन्याचे दागिने व भेट वस्तूंचेदेखील येथे स्वतंत्र दालन आहे.